புதிய ருஷியா -ஜார் சக்கரவர்த்தியின் வீழ்ச்சி- மகாகவி பாரதியார்

புதிய ருஷியா -ஜார் சக்கரவர்த்தியின் வீழ்ச்சி-1

ஆகாவென்று  எ ழுந்தது பார்  யுகப்புரட்சி! 

மாகாளி பராசக்தி உருசியாநாட் 
      டினிற் கடைக்கண் வைத்தாள்,அங்கே 
ஆகாவென்று  எழுந்தது பார் யுகப்புரட்சி! 
      கொடுங்கோலன் அலறி வீழ்ந்தான்! 
வாகான தோள்புடைத்தார் வானமரர்; 
      பேய்களெலாம் வருந்திக் கண்ணீர் 
போகாமற் கண்புகைந்த மடிந்தனவாம்; 
      வையகத்தீர், புதுமை காணீர்!1

-- மகாகவி பாரதியார்

Bharathiyar on New Russia - poetic quote 

புதிய ருஷியா -ஜார் சக்கரவர்த்தியின் வீழ்ச்சி-2

தருமம்  தன்னைத்  திரணம் எனக்

கருதிவிட்டான்  ஜார் மூடன்; 

இரணியன் போல் அரசாண்டான் கொடுங்கோலன் 
      ஜாரெ னும்பே ரிசைந்த பாவி 
சரணின்றித் தவித்திட்டார்  நல்லோரும் 
      சான்றோரும்; தருமம் தன்னைத் 
திரணம் எனக் கருதிவிட்டான் ஜார்மூடன்; 
      பொய் சூது  தீமையெல்லாம் 
அரணியத்திற்  பாம்புகள்போல் மலிந்துவளர்ந் 
     தோங்கினவே  அந்த நாட்டில்!

-- மகாகவி பாரதியார்

*திரணம் - துச்சம், துரும்பு

Bharathiyar on New Russia - poetic quote 

புதிய ருஷியா -ஜார் சக்கரவர்த்தியின் வீழ்ச்சி-3

உண்மை சொல்வோர்க் கெல்லாம் 
எழுதரிய பெருங்கொடுமைச் சிறையுண்டு

உழுது விதைத்து அறுப்பாருக்கு உணவில்லை; 
      பிணிகள்  பல வுண்டு; பொய்யைத் 
தொழுதடிமை செய்வார்க்குச் செல்வங்க 
      ளுண்டு;உண்மை சொல்வோர்க் கெல்லாம் 
எழுதரிய பெருங்கொடுமைச் சிறையுண்டு; 
      தூக்குண்டே இறப்ப துண்டு; 
முழுதுமொரு பேய்வனமாஞ் சிவேரியிலே 
      ஆவிகெட முடிவ துண்டு.3

-- மகாகவி பாரதியார்

Bharathiyar on New Russia - poetic quote 

புதிய ருஷியா -ஜார் சக்கரவர்த்தியின் வீழ்ச்சி-4

இம் என்றால் சிறைவாசம்;

ஏன் என்றால்     வனவாசம்

இம் என்றால் சிறைவாசம்; ஏன் என்றால்
      வனவாசம்,இவ்வா றங்கே 
செம்மையெலாம் பாழாகிக் கொடுமையே 
      அறமாகித் தீர்ந்த போதில், 
அம்மை மனங்கனிந்திட்டாள்; அடிபரவி 
      உண்மை சொலும் அடியார்  தம்மை 
மும்மையிலும் காத்திடு நல்விழியாலே 
     நோக்கினாள்; முடிந்தான் காலன்.

-- மகாகவி பாரதியார்

Bharathiyar on New Russia - poetic quote 

புதிய ருஷியா -ஜார் சக்கரவர்த்தியின் வீழ்ச்சி-5

அறங்கொன்று சதிகள் செய்த 
சுமடர் சட சடவென்று சரிந்திட்டார்

இமயமலை வீழ்ந்ததுபோல் வீழ்ந்துவிட்டான் 
      ஜாரரசன்;இவனைச் சூழ்ந்து 
சமயமுள படிக்கெல்லாம் பொய்வறி 
      அறங்கொன்று சதிகள் செய்த 
சுமடர் சட சடவென்று சரிந்திட்டார், 
      புயற்காற்றுச் சூறை தன்னில் 
திமுதிமென மரம் விழுந்து காடெல்லாம் 
      விறகான செய்தி போலே!

-- மகாகவி பாரதியார்

  *சுமடர் - அறிவில்லாதவன், கீழ்மகன்

Bharathiyar on New Russia - poetic quote 

புதிய ருஷியா -ஜார் சக்கரவர்த்தியின் வீழ்ச்சி-6

இடிபட்ட சுவர்போலே கலிவிழுந்தான் 
      கிருதயுகம் எழுக மாதோ

குடிமக்கள்  சொன்னபடி  குடிவாழ்வு 
      மேன்மையுறக்  குடிமை  நீதி 
கடியொன்றில் எழுந்ததுபார்  குடியரசென்று 
      உலகறியக்  கூறி விட்டார்; 
அடிமைக்குத்  தளையில்லை  யாரும் இப்போது 
      அடிமையில்லை அறிக  என்றார்; 
இடிபட்ட சுவர் போலே கலிவிழுந்தான் 
      கிருதயுகம் எழுக மாதோ!

-- மகாகவி பாரதியார்

Bharathiyar on New Russia - poetic quote