மகாகவியின் கவித்துவமான வரிகள்

ஊருக்கு நல்லது சொல்வேன்- எனக்கு உண்மை தெரிந்தது சொல்வேன்

Tuesday, February 18, 2020

காதலர் தினம் -14.02.2020



காதலர் தினம் 

தகவல் தொடர்பு  தொழில்நுட்பம் உச்சம் தொட்ட இந்த காலத்தில் , முதலாளித்துவத்தின்  விற்பனை சூழ்ச்சியின் ஒரு அங்கமாக இன்று காதலுக்காக ஒரு தினம் கொண்டாடப்பட்டு வருகிறது. தினமும் கொண்டாடப்படவேண்டிய ஒன்று காதல்  .அதற்கு விளம்பரம் எதுக்கு தேவை? . தனி மனிதர்களில் உணர்வில் விளையும் காதல் மீது ஏன் இந்த விளம்பர பூச்சு .  வணிகம் நோக்கமாக இருந்தாலும் இந்த கொண்டாட்டத்தையும்  ஏற்றுக் கொள்வதே சரியானதாகும்.இது கால மாற்றத்தின் விளைவு. யாரும் தடுக்க முடியாத ஒன்று

சங்க காலமாக இருந்தாலும் சரி இந்த நவீன காலமாக இருந்தாலும் சரி. மனித குலத்தில் காதல் உணர்வு என்றும் மாறாத ஒன்று . ஆனால் அதை அடைய துடிப்பவர்,அது ஆணோ பெண்ணோ , அவர்கள் கடைபிடிக்கும் நடை முறைகள் காலத்துக்கு ஏற்றவாறு மாறிக்கொண்டே இருக்கும். "பழையன கழிதலும் புதியன புகுதலும் வழு அல .கால வகையினானே" என்கிறது நன்னூல் சூத்திரம். "வழு அல"  என்றால் குற்றம் இல்லை என்று அர்த்தம் .மாற்றம் என்பது காலம் தரும் விந்தையான கொடை

.
"செவ்விது,செவ்விது,பெண்மை!-ஆ!செவ்விது செவ்விது காதல்! காதலினால்  உயிர் தோன்றும் - இங்கு காதலினால்  உயிர் வீரத்தில் ஏறும்! காதலினால்  அறிவெய்தும் - இங்கு காதல் கவிதைப் பயிரை வளர்க்கும்".என்று காதலின் பெருமையை போற்றுகிறேன் மகாகவி பாரதி .

காதலே மனிதகுலத்தை நீடிக்கசெய்யும்  அற்புத சக்தி . அதை இன்று மட்டுமல்ல, என்றும் போற்றுவோம் காதலை . .காதல் வாழ்க என்று கூத்தாடுவோம்


Thursday, February 06, 2020

மகாகவி பாரதியின் புதிய ஆத்திசூடி அனைத்தும் படங்களாக

Image files of Mahakavi Bharathiyar's Puthiya Athisoodi 

மகாகவி பாரதியின்
புதிய ஆத்திசூடி
உயிர் வருக்கம்
1.  அச்சம் தவிர்
2.  ஆண்மை தவறேல்
3.  இளைத்தல் இகழ்ச்சி
4.  ஈகை திறன்
5.  உடலினை உறுதிசெய்
6.  ஊண்மிக விரும்பு
7.  எண்ணுவ துயர்வு
8.  ஏறுபோல் நட
9.  ஐம்பொறி ஆட்சிகொள்
10.         ஒற்றுமை வலிமையாம்
11.         ஓய்த லொழி
12.         ஒளடதங் குறை**

**ஒளடதம்  - மருந்து

பாரதியார் ஆத்திசூடி 1


மகாகவி பாரதியின்
புதிய ஆத்திசூடி
ககர வருக்கம்
13. கற்றது ஒழுகு
14. காலம் அழியேல்
15. கிளைபல தாங்கேல்
16. கீழோர்க்கு அஞ்சேல்
17. குன்றென நிமிர்ந்து நில்
18. கூடித் தொழில் செய்
19. கெடுப்பது சோர்வு
20. கேட்டிலும் துணிந்து நில்
21. கைத்தொழில் போற்று
22. கொடுமையை எதிர்த்து நில்
23. கோல்கைக் கொண்டு வாழ்
24. கவ்வியதை விடேல்



பாரதியார் ஆத்திசூடி 2


மகாகவி பாரதியின்
புதிய ஆத்திசூடி
சகர வருக்கம்
25. சரித்திரத் தேர்ச்சிகொள்
26. சாவதற்கு அஞ்சேல்
27. சிதையா நெஞ்சு கொள்
28. சீறுவோர்ச் சீறு
29. சுமையினுக்கு இளைத்திடேல்
30. சூரரைப் போற்று
31. செய்வது துணிந்து செய்
32. சேர்க்கை அழியேல்
33. சைகையில் பொருளுணர்
34. சொல்வது தெளிந்து சொல்
35. சோதிடந்தனை இகழ்
36. சௌரியம் தவறேல்





பாரதியார் ஆத்திசூடி 3



மகாகவி பாரதியின்
புதிய ஆத்திசூடி
ஞகர வருக்கம்
37. ஞமலிபோல் வாழேல்
38. ஞாயிறு போற்று
39. ஞிமிரென  இன்புறு
40. ஞெகிழ்வது அருளின்
41. ஞேயம் காத்தல் செய்
ஞமலி – நாய்,  ஞிமிர்- தேனீ ஞாயிறு- சூரியன்
ஞெகிழ்தல்- மனம் இளகுதல், ஞேயம்- நட்பு
பாரதியார் ஆத்திசூடி 4



மகாகவி பாரதியின்
புதிய ஆத்திசூடி
தகர வருக்கம்
42. தன்மை இழவேல்
43. தாழ்ந்து நடவேல்
44. திருவினை வென்று வாழ்
45. தீயோர்க்கு அஞ்சேல்
46. துன்பம் மறந்திடு
47. தூற்றுதல் ஒழி
48. தெய்வம் நீ என்று உணர்
49. தேசத்தைக் காத்தல் செய்
50. தையலை உயர்வு செய்
51. தொன்மைக்கு அஞ்சேல்
52. தோல்வியில் கலங்கேல்
53. தவத்தினை நிதம்புரி

பாரதியார் ஆத்திசூடி 5


மகாகவி பாரதியின்
புதிய ஆத்திசூடி
நகர வருக்கம்
54. நன்று கருது
55. நாளெல்லாம் வினை செய்
56. நினைப்பது முடியும்
57. நீதிநூல் பயில்
58. நுனியளவு செல்
59. நூலினைப் பகுந்துணர்
60. நெற்றி சுருக்கிடேல்
61. நேர்ப்படப் பேசு
62. நையப் புடை
63. நொந்தது சாகும்
64. நோற்பது கைவிடேல்


பாரதியார் ஆத்திசூடி 6



மகாகவி பாரதியின்
புதிய ஆத்திசூடி
பகர வருக்கம்
65. பணத்தினைப் பெருக்கு
66. பாட்டினில் அன்பு செய்
67. பிணத்தினைப் போற்றேல்
68. பீழைக்கு இடம் கொடேல்
69. புதியன விரும்பு
70. பூமி இழந்திடேல்
71. பெரிதினும் பெரிது கொள்
72. பேய்களுக்கு அஞ்சேல்
73. பொய்மை இகழ்
74. போர்த்தொழில் பழகு

பாரதியார் ஆத்திசூடி 7

மகாகவி பாரதியின்
புதிய ஆத்திசூடி
மகர வருக்கம்
75. மந்திரம் வலிமை
76. மானம் போற்று
77. மிடிமையில் அழிந்திடேல்
78. மீளுமாறு உணர்ந்து கொள்
79. முனையிலே முகத்து நில்
80. மூப்பினுக்கு இடங்கொடேல்
81. மெல்லத் தெரிந்து சொல்
82. மேழி போற்று
83. மொய்ம்புறத் தவம் செய்
84. மோனம் போற்று
85. மௌட்டியந்தனைக் கொல்

அருஞ்சொல் விளக்கம்
மிடிமை- வறுமை
முனை- முனைப்பு, நுனி,  போர்முனை
முனையிலே முகத்து நில் என்றால் "எதற்கும் முனைப்புடன் முன்னால் வந்து நில்" என்று அர்த்தம்
மேழி- கலப்பை.
”மேழி போற்று”  என்றால் விவசாயத்தை போற்றி வளர்   என்று அர்த்தம்
மொய்ம்பு -வலிமை,செம்மை,முழு ஈடுபாடு
மோனம்- மௌனம்,ஆழ்ந்த சிந்தனை
மௌட்டியம்-அறியாமை


பாரதியார் ஆத்திசூடி 8

மகாகவி பாரதியின்
புதிய ஆத்திசூடி
யகர வருக்கம்

86. யவனர்போல் முயற்சிகொள்
87. யாவரையும் மதித்து வாழ்
88. யௌவனம் காத்தல் செய்
சங்க இலக்கியங்களில் கிரேக்கர்கள் யவனர்
அழைக்கப்பட்டனர்
யௌவனம்- இளமை, அழகு




பாரதியார் ஆத்திசூடி 9


மகாகவி பாரதியின்
புதிய ஆத்திசூடி
ரகர வருக்கம்
89. ரஸத்திலே தேர்ச்சி கொள்
90. ராஜஸம் பயில்
91. ரீதி தவறேல்
92. ருசிபல வென்றுணர்
93. ரூபம் செம்மை செய்
94. ரேகையில் கனிகொள்
95. ரோதனம் தவிர்
96. ரௌத்திரம் பழகு
ரஸம்- ரசனை, கலை இலக்கிய ரசனை
ராஜஸம்- ராஜஸ குணம், ஆற்றல், சக்தி
ரீதி- ஒழுங்கு முறை
ரூபம்- உருவம் வடிவம்
ரேகை- கோடு , வரைகோடு, முன்வரைவு 
கனி கொள் - பலன் பெறு
ரோதனம் -புலம்பல்
ரௌத்திரம்- கோபம், சினம்


பாரதியார் ஆத்திசூடி 10


மகாகவி பாரதியின்
புதிய ஆத்திசூடி
லகர வருக்கம்
97. லவம்பல வெள்ளமாம்
98. லாவகம் பயிற்சி செய்
99. லீலை இவ்வுலகு
100. உலுத்தரை  இகழ்
101. உலோக நூல் கற்றுணர்
102. லௌகிகம் ஆற்று
அருஞ்சொல் பொருள்
லவம்- சிறு துளி
லாவகம்  - நளினம்,அனாயாசம், , சாமர்த்தியம்
லீலை இவ்வுலகு - பூகம்பம் புயல் சுனாமி போன்ற இயற்கையின் லீலைகளால் ஆனதே   இவ்வுலகம்
உலுத்தர்- கஞ்சன் அற்பன் ,பிறருக்கு பயனற்றவன்
லௌகீகம் - உலகியல் கடமைகள்


பாரதியார் ஆத்திசூடி 11

மகாகவி பாரதியின்
புதிய ஆத்திசூடி
வகர வருக்கம்
103. வருவதை மகிழ்ந்துண்
104. வானநூல் பயிற்சிகொள்
105. விதையினைத் தெரிந்திடு
106. வீரியம் பெருக்கு
107. வெடிப்புறப் பேசு
108. வேதம் புதுமை செய்
109. வையத் தலைமைகொள்
110.வௌவுதல் நீக்கு
அருஞ்சொல் பொருள்
வீரியம்- வலிமை திடம்
வையம்- உலகம்
வௌவுதல்- பிறர் பொருளை அபகரித்தல்,
கவர்தல்




பாரதியார் ஆத்திசூடி 12

மகாகவி பாரதியின் புதிய ஆத்திசூடி


மகாகவி பாரதியின்
புதிய ஆத்திசூடி


  1. அச்சம் தவிர்
  2. ஆண்மை தவறேல்
  3. இளைத்தல் இகழ்ச்சி
  4. ஈகை திறன்
  5. உடலினை உறுதிசெய்
  6. ஊண்மிக விரும்பு
  7. எண்ணுவ துயர்வு
  8. ஏறுபோல் நட
  9. ஐம்பொறி ஆட்சிகொள்
  10. ஒற்றுமை வலிமையாம்
  11. ஓய்த லொழி
  12. ஒளடதங் குறை
  13. கற்ற தொழுகு
  14. காலம் அழியேல்
  15. கிளைபல தாங்கேல்
  16. கீழோர்க்கு அஞ்சேல் 
  17. குன்றென நிமிர்ந்துநில்
  18. கூடித் தொழில் செய்
  19. கெடுப்பது சோர்வு
  20. கேட்டிலுந் துணிந்து நில்
  21. கைத்தொழில் போற்று
  22. கொடுமையை எதிர்த்துநில்
  23. கோல்கைக் கொண்டு வாழ்
  24. கவ்வியதை விடேல்
  25. சரித்திரத் தேர்ச்சி கொள்
  26. சாவதற்கு அஞ்சேல்
  27. சிதையா நெஞ்சுகொள்
  28. சீறுவோர்ச் சீறு
  29. சுமையினுக்கு இளைத்திடேல்
  30. சூரரைப் போற்று
  31. செய்வது துணிந்து செய்
  32. சேர்க்கை அழியேல்
  33. சைகையிற் பொருளுணர்
  34. சொல்வது தெளிந்து சொல்
  35. சோதிடந்தனை யிகழ்
  36. சௌரியந் தவறேல்
  37. ஞமலிபோல் வாழேல்
  38. ஞாயிறு போற்று
  39. ஞிமிரென இன்புறு
  40. ஞெகிழ்வது அருளின்
  41. ஞேயங் காத்தல்செய்
  42. தன்மை இழவேல்
  43. தாழ்ந்து நடவேல்
  44. திருவினை வென்றுவாழ்
  45. தீயோர்க்கு அஞ்சேல்
  46. துன்பம் மறந்திடு
  47. தூற்றுதல் ஒழி
  48. தெய்வம் நீ என்றுணர்
  49. தேசத்தைக் காத்தல் செய்
  50. தையலை உயர்வு செய்
  51. தொன்மைக்கு அஞ்சேல்
  52. தோல்வியிற் கலங்கேல்
  53. தவத்தினை நிதம் புரி
  54. நன்று கருது
  55. நாளெலாம் வினைசெய்
  56. நினைப்பது முடியும்
  57. நீதிநூல் பயில்
  58. நுனியளவு செல்
  59. நூலினைப் பகுத்துணர்
  60. நெற்றி சுருக்கிடேல்
  61. நேர்படப் பேசு
  62. நையப் புடை
  63. நொந்தது சாகும்
  64. நோற்பது கைவிடேல்
  65. பணத்தினைப் பெருக்கு
  66. பாட்டினில் அன்புசெய்
  67. பிணத்தினைப் போற்றேல்
  68. பீழைக்குஇடங்கொடேல்
  69. புதியன விரும்பு
  70. பூமி இழந்திடேல்
  71. பெரிதினும் பெரிதுகேள்
  72. பேய்களுக்கு அஞ்சேல்
  73. பொய்ம்மை இகழ்
  74. போர்த்தொழில் பழகு
  75. மந்திரம் வலிமை
  76. மானம் போற்று
  77. மிடிமையில் அழிந்திடேல்
  78. மீளுமாறு உணர்ந்து கொள்
  79. முனையிலே முகத்து நில்
  80. மூப்பினுக்கு இடங்கொ டேல்
  81. மெல்லத் தெரிந்து சொல்
  82. மேழி போற்று
  83. மொய்ம்புறத் தவஞ்சொய்
  84. மோனம் போற்று
  85. மௌட்டியந் தனைக்கொல்
  86. யவனர்போல் முயற்சி கொள்
  87. யாவரையும் மதித்து வாழ்
  88. யௌவனம் காத்தல் செய்
  89. ரஸத்திலே தேர்ச்சி கொள்
  90. ராஜஸம் பயில்
  91. ரீதி தவறேல்
  92. ருசிபல வென்றுணர்
  93. ரூபம் செம்மைசெய்
  94. ரேகையில் கனிகொள்
  95. ரோதனம் தவிர்
  96. ரௌத்திரம் பழகு
  97. லவம் பல வெள்ளமாம்
  98. லாகவம் பயிற்சிசெய்
  99. லீலை இவ் வுலகு
  100. (உ)லுத்தரை இகழ்
  101. (உ) லோக நூல் கற்றுணர்
  102. லௌகிகம் ஆற்று
  103. வருவதை மகிழ்ந்துண்
  104. வானநூற் பயிற்சிகொள்
  105. விதையினைத் தெரிந்திடு
  106. வீரியம் பெருக்கு
  107. வெடிப்புறப் பேசு
  108. வேதம் புதுமைசெய்
  109. வையத் தலைமைகொள்
  110. வௌவுதல் நீக்கு

Wednesday, December 11, 2019


மகாகவி பாரதி பிறந்த நாள்-11.12.2019

மகாகவி பாரதி பிறந்த நாள்-11.12.2019
..பி.சேர்முக பாண்டியன்
மதுரை.

கரடுமுரடான புரியமுடியாத
சொற்க்கோவையே கவிதை
என்று நாங்கள் பயந்திருந்தோம்.
அதை திருப்பிப் பார்க்கவே
தயங்கிக் கிடந்த நேரத்தில்
வாராது வந்த மாமணியாய்
வந்தாய் நீ  எங்கள் தமிழ்
அன்னையின் செல்ல மகனாய்.

எளிய வார்த்தைகளில்
எங்களுக்கு புரியும் மொழியில்
உணர்ச்சி குவியலாய் வந்த
உன் கவிதை எங்களுக்கு 
தேனாய் இனித்தது .

உன் கவிதை தென்றலாய்
வீசும்போது அதன் இன்பத்தை
அனுபவித்து மகிழ்ந்தோம்.
அது அனலாய் தகித்தபோது 
அக்கினி குஞ்சுகளாய் 
மாறி அநீதியை சுட்டெரித்தோம்.
கவிதை பயம்போக்கி 
தமிழர்க்கு கவிதாரசனை 
தந்த எங்கள் கவிராஜன் நீ.

மகாகவியே உன்
கவிதைகளின் சரமே
தமிழன்னைக்கான
அர்ச்சனை பூக்கள்.
அவைகளின் சாரமே
தமிழர்க்கான வாழ்வுநெறி

"தமிழ்மொழி போல்
இனிதாவது எங்கும்
காணோம்" என்றாய்.
அதன் பின்னர்தான் 
தமிழின் இனிமையை
நாங்கள் உணர்ந்தோம்

"எங்கள் தமிழ்மொழி 
எங்கள் தமிழ்மொழி
என்றென்றும் வாழியவே"
என்று சொன்னாய்.
அவைகளே  பைந்தமிழின் 
பெருமையை எங்களுக்கு
சொல்லித் தந்தன.

தமிழ் மொழி தந்த 
 பெருமிதத்தால் 
"நாங்கள் தமிழர் 
இந்திய மண்ணில்
தனித்துவம் மிக்கவர்கள்"
என்று தலை நிமிர்ந்து
 ஓங்கி ஒலிக்கிறோம்

சமூக அநீதிக்கு எதிராய்
நாங்கள் ஆவேச குரல்
எழுப்ப உன் கவிதைகளே
எங்களின் ஆயுதங்கள் .
மாதருக்கு எதிரான
மடமையை கொளுத்த 
உன் கவிதைகளே 
எங்களது தீப்பந்தங்கள்
.
எல்லாம் சரி தான்.ஆனால்
"சாதிகள் இல்லை; 
குலதாழ்ச்சி உயர்ச்சி 
சொல்லல் பாவம்" என்று
உனது பாப்பா பாட்டில்
குழந்தைகளுக்கு சொன்னதை 
மட்டும் நாங்கள் எங்கள் 
குழந்தைகளுக்கு சொல்லித்தர
மறந்துவிட்டோம். எனவே
சா"தீய" சீழ் பிடித்த 
சமூகமாய் இன்னமும்
தலைகவிழ்ந்து கிடக்கிறோம்.

தமிழன் என்று சொல்லி
தலைநிமிர்ந்து நடப்பதும்,
சாதிய சகதியில் சிக்கும்போது
தலை குனிவதும் எங்களது 
வாடிக்கையாகிப் போனது

ஆனாலும் நாங்கள்
எங்கள் நம்பிக்கையை
இன்னும் இழக்கவில்லை.
உன் கவிதைகளே
எங்களுக்கு ஆதர்சமாய்
வழி காட்டிக் கொண்டே
இருக்கின்றன. 
அவற்றின் வெளிச்சத்தில்
சாதியத்தை முறியடிப்போம்
என்றும் தலை நிமிர்ந்து
நடப்போம்.

Thursday, August 29, 2019

பாரதி வழியில் எழுந்தால் நாமே இமயம் - கவிஞர் பரிணாமன்

பாரதி வழியில்  எழுந்தால் நாமே இமயம்

கிருத யுகம் நிலைநிறுத்த
விரதம் கொண்ட வீரர்
கல்வியும் புதிய ஞானமும் பெற்று
திரண்டு நிற்கும் தோழரே
எழுந்தால் நாமே இமயம் அறிவீர்!

பாட்டுக்கொரு பெரும்புலவன்
பாரதி வழியில் வந்தவரே - அன்னை
நாட்டுக்கு துரோகம் இழைப்பவரை
நரபலி காண நிற்பவரே
எழுந்தால் நாமே இமயம் அறிவீர்!

நாற்றாங்காலில் விதைகள் பாவி
நடவு செய்யலாம்!
நாட்கள் கடந்து போனதென்றால்
விதைத்ததும் அறுக்கலாம்!
ஏற்ற தருணம் அறிந்து நாட்டை
இடது பக்கம் திருப்பலாம்
ஏகபோக தேசத் துரோக
இனத்தின் வேர் அறுக்கும்
எழுந்தால் நாமே இமயம் அறிவீர்!

நாளை நம் காலம் எனும் கீதம் இசைப்பீர்
நியாயம் நீதி நல்லாட்சி
பாதை வகுப்பீர்...
கால கால அடிமை விலங்குகள்
ஆதிக்கக் கதவை உடைப்பீர்...
சாலச் சிறந்த தத்துவ கவிதைகள்
பாரதமெங்கும் விதைப்பீர்...
எழுந்தால் நாமே இமயம் அறிவீர்!

  ..... கவிஞர் பரிணாமன்

Tuesday, August 27, 2019

பத்து தலை ராவணனை ஒத்த தலை ராமன் வென்றான்! - பரிணாமன் கவிதைகள்

சுதந்திர மாடன்

பத்து தலை ராவணனை
ஒத்த தலை ராமன் வென்றான்!
மொத்தத்துல வீரம் வேணும் சுடலைமாடா- அந்த
வித்தைகளைக் கத்துக்காம
சத்தியத்தை ஒத்துக்காம
கத்தினால் போனதெல்லாம் கிடைக்குமாடா ?

புலி பசித்து கிடந்தாலும்
புல்லைத் திங்க மாட்டாது
போட்டதைத் திங்கிறியே சுடலைமாடா! உன்
பெண்டு பிள்ளை வாழ்க்கையிலே
கண்ட சுகம் ஏதுமில்லை
தண்டத்துக்கு உழைக்கிறியே ஞாயமாடா ?
அடுத்த நாள் சோத்துக்கில்லே
அடகு வைக்க பண்டமில்லா
யாருமேல கோவிக்கிறா சுடலைமாடா - உனைக்
கெடுத்ததோ சாமியில்லே
பாடுபடும் பூமியிலே
கேடுகெட்ட சுரண்டல் முறை தெரியுமாடா ?
மாடுகட்டிப் போரடித்தால்
மாளாது என்பதாலே
யானை கட்டிப் போரடித்த திந்தநாடுடா - அந்தப்
பாடி வரும் காவேரி
பாயும் நிலமத்தனையும்
பாவிப் பண்ணையார்களிடம் தந்ததாருடா?

ஓட்டுக் கேட்டு கையெழுத்து
கோட்டையிலே படையெடுத்து
மூட்டை மூட்டையாக அடிச்சான் சுடலைமாடா - சொந்த
நாட்டைக்கூட விலைபேசி
ரகசியமாவித்திருவான்
லஞ்சத்துக்கு பொறந்ததிந்த ஆட்சியமைப்புடா!
நீ பொறந்த கரிசல் மண்ணில்
தான் பொறந்தேன் மாகவிஞன்!
பாரதியின் கனவு உனக்குத் தெரியுமாடா ? - அவன்
வேறு பல நாட்டுக்கெல்லாம்
வெளிச்சமாப் போன பின்னும்
நீ உணர முடியாமல் போனதென்னடா?

பரிணாமன் கவிதைகள்

பாரதி பிடித்த தேர்வடமும் - நடு வீதி கிடக்கிறது- பரிணாமன்

                         தேர் 

ஆயிரம் ஆயிரம் சிப்பிகள் செய்த
அழகு தெரிந்து - நம்
காவியம் சிறந்த ஓவியம் கடைந்த
வேலை பாடியது!
பாரதி பிடித்த தேர்வடமும் - நடு
வீதி கிடக்கிறது - அதைப்
பற்றிப்பிடித்து இழுப்பதற்கு ஊர்
கூடித் தவிக்கிறது!
நம்பிக்கை வைத்து நெம்புகோல் எடுத்து
நடப்போம் வாருங்கள் - நாம்
நடந்தால் தேர் நடக்கும்; அன்றேல்
வெயில் மழையில் கிடைக்கும்!

அழகு தெரிந்து - பாரத
அன்னை தெரியாது!

நரம்பு மண்டலம் தளர்ந்து விட்டால்
நல்ல கனவுகள் பிறக்கும்? - அட
நல்ல கனவுகள் கண்டால் மட்டும்
விரும்பும் வாழ்க்கை குதிக்குமோ?

வானும் சுரந்திட மண்ணும் சுரந்திட
மனித வறண்டு போமோ? -
விஞ்ஞானம் வளர்ந்தும் விண்ணோடு கலந்தும்
சகுனிச் சூதுதானோ?

சீதையும் எண்ணரும்
கோபியரும் கண்ட
சித்திரப் பூரதமே - இனியுன்
புத்திரர் கைவசம்...
நம்பிக்கை வைத்து நெம்புகோல் எடுத்து
நடப்போம் வாருங்கள்!

...... பரிணாமன்

Saturday, August 24, 2019

..பிரமிள் கவிதை


பிரமிளின் கவிதை




                                        நான்காவது மாடியில் எங்கள்  குடியிருப்பு.காலை நேரம். பால்கனியில் நிற்கிறேன். சில்லென்று   காற்று இதமாக  வீசுகிறது.தூரத்து மலைகளும், அருகினில் தலைவிரித்து மென்மையாக  ஆடும் பச்சை மரங்களும் தங்களின் வனப்பை கண்ணுக்கு விருந்தாக அள்ளித் தருகின்றன.

                                      எதிர் திசையில் ஒரு கோவில். அப்போது அங்கிருந்து விர்ரென்று  பறந்து வந்த ஒரு   புறாவின் சிறக்கிலிருந்து பிரிந்த இறகு அங்கும் இங்குமாய் வானில் அலைந்து கொண்டிருந்தது.

                                    எப்போதோ நான் படித்த இந்த  பிரமிளின் கவிதை அப்போது  என் நினைவுக்கு வந்து சென்றது.

காவியம் 

சிறகிலிருந்து பிரிந்த
இறகு ஒன்று
காற்றின்
தீராத பக்கங்களில்
ஒரு பறவையின் வாழ்வை
எழுதிச் செல்கிறது

..பிரமிள்