மகாகவியின் கவித்துவமான வரிகள்

ஊருக்கு நல்லது சொல்வேன்- எனக்கு உண்மை தெரிந்தது சொல்வேன்

Tuesday, May 01, 2018

மகாகவி பாரதியின் வரிகளில் மேதின அறைகூவல்


                    மேதினம் -  01.05.2018    
தொழிலாளி வர்க்கத்தின் உழைப்பின் பெருமையை மகத்துவத்தை போற்றிய மகாகவி பாரதியின் வரிகளில் மேதின அறைகூவல்

தொழிலாளர் வர்க்கத்தின் உழைப்பை உயர்த்தி போற்றியவன் மகாகவி பாரதி .பிரம்மனின் தொழில் படைப்பு என்றால்  அப்படைப்பு தொழிலை இப் பூவுலகில் செய்பவர்கள் தொழிலாளிகளே எனச் சொல்லி அவற்றைப் பட்டியலிடுகிறான் அவன்  . 

"இரும்பைக் காய்ச்சி உருக்கிடுவீரே
இயந்திரங்கள் பல வகுத்திடுவீரே
கரும்பைச் சாறு பிழிந்திடுவீரே
கடலில் மூழ்கி நல் முத்தெடுப்பீரே
அரும்பும் வேர்வை உதிர்த்து புவி மேல்
ஆயிரந் தொழில் செய்திடுவீரே"

 இப்படி படைப்பு தொழிலில் ஈடுபட்டுவரும் உங்களுக்கு எல்லாப் புகழும் சேரட்டும் என்பதை 


"பெரும் புகழ் நுமக்கே இசைக்கிறேன்,
பிரம தேவன் கலை இங்கு நீரே !" 
என தொழிலாளர்களை நோக்கி பாடல் இசைக்கிறான்..

                     விவசாயம் செய்து எங்களுக்கு உணவு , காய்கறி தருகிறீர்கள். எண்ணெய், பால், நெய் என எல்லாம் தருகிறீர்கள் . மரங்கள் அறுத்து எங்களுக்கு வீடு கட்டி தருகிறீர்கள் . நெசவு நூற்று ஆடை தருகிறீர்கள். எனவே நீங்கள் இந்த பூமியில் எங்களை காப்பவர்கள் என பாரதி சொல்வதை அவனது கவிதை வரிகளில் படியுங்கள்.

மண்ணெடுத்து குடங்கள் செய்வீரே
மரத்தை வெட்டி மனை செய்குவீரே
உண்ணக் காய்கறி தந்திடுவீரே
உழுது நன்செய் பயிரிடுவீரே
எண்ணெய் பால் நெய் கொணர்ந்திடுவீரே
இழையை நூற்று நல்லாடை செய்திடுவீரே
.
"விண்ணின் இன்றெமை வானவர் காப்பர்
மேவிப் பார்மிசை காப்பவர் நீரே "

அது மட்டுமா “.தொழிலாளர்களே! நீங்கள் தான் நாட்டில் அறத்தை நிலை நாட்டுபவர்கள்  , மக்கள் விரும்பும்  இன்பத்தை தருபவர்கள்”.  எனவே சந்தேகத்திற்கு இடமின்றி சொல்கிறேன் "எங்களது கண்ணுக்கு முன்னால் தெரியும் தெய்வங்கள் நீங்கள் தான் " .என பாரதி குதூகலிக்கிறான் .

Bharathi on Workers

நாட்டில் அறம் கூட்டி வைப்பீரே .
நாடும் இன்பங்கள் ஊட்டி வைப்பீரே

தேட்டமின்றி விழி எதிர் காணும்
தெய்வமாக விளங்குவீர் நீரே

இந்த பாரத தேசம் உயர வேண்டுமெனில் என்ன செய்ய வேண்டும் என பாரதி சொல்வதைப் படியுங்கள் .

பட்டில் ஆடையும் பஞ்சில் உடையும்
பண்ணி மலைகளென குவிப்போம்
ஆயுதம் செய்வோம் நல்ல காகிதம் செய்வோம்
ஆலைகள் வைப்போம் கல்விச் சாலைகள் வைப்போம்
குடைகள் செய்வோம் உழு படைகள் செய்வோம்
கோணிகள் செய்வோம் இரும்பாணிகள் செய்வோம்

 அது மட்டுமா . " உலகத் தொழில்கள் அனைத்தும் உவந்து செய்வோம்" என இந்தியத் தொழிலாளர்களுக்கு அறைகூவல் விடுகிறார் .

இரஷியாவில் மாமேதை லெனின் தலைமையில் புரட்சி நடந்து தொழிலாளர் வர்க்கம் ஆட்சிக்கு வந்ததை வரவேற்று பாடிய மகாகவி பாரதி

"குடிமக்கள் சொன்னபடி குடி வாழ்வு
மேன்மையுறக் குடிமை நீதி
கடியொன்றில் எழுந்தது பார் குடியரசென்று
உலகறியக் கூறிவிட்டார் ".

என்று ஆனந்த கூத்தாடுகிறான். .பாரதி தனி   ஒருவனுக்கு உணவில்லை எனில் ஜகத்தினை அழித்திடச் சொன்ன ஆவேசத் தீப்பந்தம் அல்லவா . எனவே .கொடுமை கண்டு கொதிநிலை அடைந்த  அவன் .வறுமை ஏழ்மை அற்ற உலகைக் காணத் துடித்துக் கொண்டிருந்தான்.எனவேதான் "ஆகா என்று எழுந்தது பார் யுகப் புரட்சி" என ரசியப் புரட்சியை உச்சி முகர்ந்து பாடுகிறான். ."உலகத்துக்கு ஓர் புதுமை" என அப்புரட்சியைப்  பறை சாற்றுகிறான். .உலகம் முழுதும் அப்புரட்சி பரவ  ஏங்கி தவிக்கிகிறான். தொழிலாளர் தலைமையிலான ஆட்சியில் தான் எல்லோருக்கும் எல்லாம் கிடைக்கும் என தீர்க்கமாக நம்புகிறான்

இந்தியாவுக்கு வியாபாரம் செய்ய வந்த கிழக்கு இந்தியக் கம்பெனி நம்மை அடிமையாக்கியது வரலாற்று உண்மை.

மக்களுக்கான அரசு அல்ல இது கார்ப்போரட் களுக்கான அரசு :
ஆனால்  இப்போது வெளிநாட்டு ,உள்நாட்டு கார்ப்போரட் களுக்கு எல்லா சலுகைகளையும் அள்ளி வழங்கி வெண்சாமரம் வீசி வரவேற்கிறது மத்திய அரசு. உள்ளூர் தொழிலாளர்கள், விவசாயிகள் , நெசவாளிகள், அடித்தட்டு சிறு வியாபாரிகள் வேலை இழப்பது பற்றியோ அரசு கவலை படவில்லை . பெரு முதலாளிகள் ( CORPORATES) நலனை மட்டுமே பாதுகாக்கும் அரசாக இருக்கிறது இப்போதைய மத்திய அரசு .

ஏழை எளிய மக்களின் நலன் குறித்த அக்கறை அதற்கு ஏதுமில்லை .
மக்களை மத ரீதியாக மோதவிட்டு தனது வாக்கு வங்கி அரசியலை முன்னெடுக்கிறது. தாழ்த்தப்பட்ட ஒடுக்கப்பட்ட மக்கள் , பெண்கள், குழந்தைகள் மீதான வன்முறை இந்த ஆட்சியில் அதிகரித்த வண்ணம் உள்ளது. 

அஞ்சல் தொழிலாளிக்கு சி.எஸ்.ஐ  ரோல் அவுட் மூலம் மேலும் நெருக்கடி:
அஞ்சல் துறையில் ஏற்கெனவே ஊழியர்கள் கடுமையான நெருக்கடிக்கு ஆட்படுத்தப் பட்டுள்ளனர் .. சி.எஸ்.ஐ  ரோல் அவுட் மூலம் நெருக்கடி இன்னும் அதிகரித்துள்ளது. தொழிற்சங்கங்களின் போராட்டக்குரல் அரசின் காதுகளில் செவிடன் காதில் ஊதிய சங்கொலியாக உள்ளது . கிராமிய அஞ்சல் ஊழியர்களின் ஊதியக் குழு அறிக்கை வேண்டுமென்றே இழுத்தடிக்கப் படுகிறது. அரசுக்கு ஊழியர் மீதான அக்கறை ஏதுமில்லை


தொழிலாளி வர்க்கமே அறத்தை மீட்டெடுக்கும் வல்லமை பெற்றவர்கள்:
அதற்கு காரணம் அறத்தை மீட்டெடுக்கும் வல்லமை பெற்ற இந்திய தொழிலாளர்கள் ஜாதி, மத ,அரசியல் ரீதியாக பிரிந்து கிடப்பதும் , அவர்களிடையே வர்க்க உணர்வு குறைந்து இருப்பதுவுமேயாகும் . எனவே மக்களை பிளவு படுத்தும் மதவாத கொள்கைகள், தொழிலாளர் விரோத கொள்கைகள் ," சிலர் வாழ, பலரை வாடவைக்கும்" மத்திய அரசின் பொருளாதரக் கொள்கைகள், போன்ற மோடி அரசின் கொள்கைகளை  எதிர்த்துப் போராட வர்க்க ஒற்றுமை நமக்கு மிக அவசியம்.

"ஒற்றுமை வழி ஒன்றே வழியென்பது ஓர்ந்திட்டோம் நன்கு - தேர்ந்திட்டோம் . மற்றும் நீங்கள் செய்யும் கொடுமைக் கெல்லாம் மலைவுறோம் சித்தம் கலைவுறோம்" என்ற பாரதியின் வரிகளை இந்த மே தினத்தின் போர் பரணியாகப் பாடி போராட்டப் பாதையில் பயணிப்போம் . வெற்றி நமதே.



Sunday, March 19, 2017

- மகாகவி பாரதியார் - வசனக் கவிதை - ஞாயிறு

வசனக் கவிதை
- ஞாயிறு

மகாகவியின் வசனக் கவிதைகள் மிகவும் ரசனையானவை. ஞாயிறு என்ற தலைப்பில் உள்ள இந்தக் கவிதை , சூரியனை நோக்கி வினா தொடுக்கும் . எல்லா வினாக்களுக்கும் ஒரே பதில் ஆம் என்பது தான் . ஆனால் கேட்கப்படும் கேள்விகள் சுவையானவை ,
இருளுக்கும் உனக்கும் உள்ள உறவென்ன ? என்பதை சொல் என ஞாயிறிடம் கேட்கும் அன்பான விசாரிப்பு இது.
கவிதை ரசனையை யாரும் சொல்லுவதால் உணர முடியாது. திரும்ப திரும்ப படித்தால் நீங்களே உணர்வீர்கள்

ஞாயிறே இருளை
என்ன செய்துவிட்டாய்?
ஓட்டினாயா? கொன்றாயா?
விழுங்கி விட்டாயா?
கட்டி முத்தமிட்டு
நின் கதிர்களாகிய கைகளால்
மறைத்து விட்டாயா?  
இருள் நினக்குப் பகையா?
இருள் நின் உணவுப் பொருளா?
அது நின் காதலியா?
இரவெல்லாம் நின்னைக்
காணாத மயக்கத்தால்
இருண்டிருந்ததா?
நின்னைக் கண்டவுடன்
நின்னொளி தானுங்கொண்டு
நின்னைக் கலந்துவிட்டதா?
நீங்கள் இருவரும்
ஒருதாய் வயிற்றுக் குழந்தைகளா?
முன்னும் பின்னுமாக
வந்து உலகத்தைக் காக்கும்படி
உங்கள் தாய் ஏவி யிருக்கிறாளா?
உங்களுக்கு மரண மில்லையா?
 நீங்கள் அமுதமா?
உங்களைப் புகழ்கின்றேன்,ஞாயிறே,உன்னைப் புகழ்கின்றேன்

- மகாகவி  பாரதியார் 

மகாகவி பாரதியாரின் வசனக் கவிதை - இன்பம்

வசனக் கவிதை
- இன்பம்


மகாகவி பாரதியின் வசனக் கவிதை இன்பம் 

இவ்வுலகம் இனியது
இதிலுள்ள வான்
இனிமை யுடைத்து;

காற்றும் இனிது.

தீ இனிது.
நீர் இனிது.
நிலம் இனிது.

ஞாயிறு நன்று;

திங்களும் நன்று.
வானத்துச் சுடர்கள்
எல்லாம் மிக இனியன.
மழை இனிது.
மின்னல் இனிது.
இடி இனிது.

கடல் இனிது,

மலை இனிது
காடு நன்று.  
ஆறுகள் இனியன.
உலோகமும்,மரமும்,
செடியும், கொடியும்,
மலரும்,காயும்,
கனியும் இனியன.

பறவைகள் இனிய.

ஊர்வனவும் நல்லன.
விலங்குகள் எல்லாம்
இனியவை; நீர்
வாழ்வனவும் நல்லன.

மனிதர் மிகவும் இனியர்.

ஆண் நன்று.
பெண் இனிது.
குழந்தை இன்பம்.
இளமை இனிது.
முதுமை நன்று.

உயிர் நன்று.

சாதல் இனிது.
- மகாகவி

பாரதியார்  

Saturday, March 18, 2017

அன்பு குறித்து மாககவி பாரதி -3

அன்பு குறித்து மாககவி பாரதி 

அன்பு  மிகுந்த தெய்வமுண்டு -துன்பம்

அத்தனையும்  போக்கிவிடும்  பாப்பா!”

மகாகவி பாரதியார் அன்பு குறித்து -2

மகாகவி பாரதி அன்பு குறித்து

"துன்ப நினைவுகளும் 
சோர்வும் பயமும் எல்லாம் 
அன்பில் அழியுமடி கிளியே 
அன்பிற்கு அழிவில்லை"


மகாகவி பாரதியார் அன்பு குறித்து - 1

மகாகவி பாரதி    அன்பு குறித்து


"வேட்டை அடிப்பது வில்லாலே 
அன்புக்கோட்டை பிடிப்பது சொல்ல்லாலே "


மகாகவி பாரதியார் அன்பு குறித்து


மகாகவி பாரதி அன்பு குறித்து

மனிதகுலம் தழைத்து ஓங்குவது அன்பில்தான் .மனிதநேயத்தில் தான் அன்பு பிறக்கிறது. அன்பு மட்டும் இல்லாதிருந்தால் எப்போதோ ஒழிந்து போயிருக்கும் மனித இனம் .பாரதி இதை நன்கு உணர்ந்தவன்.அன்பைப் போதிப்பதில் நிகரற்ற கவிஞனாக இருந்தான் .
சக மனிதர்களிடமட்டுமின்றிகாக்கைகுருவி களிடமும்அன்புகாட்டியவன்.

"
அன்பிற் சிறந்த தவமில்லை”

“அன்புடையார்  இன்புற்று வாழ்தல் இயல்பு "

"அன்பு தன்னில் செழிக்கும் வையம்"

"அன்பென்று கொட்டு முரசே மக்கள் அத்தனைபேரும் நிகராம்” .

"வேட்டை அடிப்பது வில்லாலே அன்புக்கோட்டை பிடிப்பது சொல்ல்லாலே "

"துன்ப நினைவுகளும் சோர்வும் பயமும் எல்லாம் அன்பில் அழியுமடி கிளியே அன்பிற்கு அழிவில்லை"

"உங்களுக்கு தொழில் இங்கே அன்பு செய்தல் கண்டீர் "

“பூமண்ட லத்தில் அன்பும் பொறையும்  விளங்குக!”

“பகை நடுவினில்  அன்புருவான நம்
பரமன் வாழ்கின்றான் -நன்னெஞ்சே!”

“அன்பு  மிகுந்த தெய்வமுண்டு -துன்பம்
அத்தனையும்  போக்கிவிடும்  பாப்பா!”

“அன்பு நிறைய உடையவர்கள் மேலோர்”

“அன்பு கனிந்த கனிவே சக்தி,”

“சங்கரன் அன்புத் தழலே சக்தி”

“பாட்டினில் அன்பு செய்.”

“அன்பு  வாழ்க என்று அமைதியில்  ஆடுவோம்.”

“அன்பு நெறியில் அறங்கள் வளர்ந்திட  நல்லது தீயது நாமறியோம்”

என அன்பு பற்றி பறைசற்றியவன் பாரதி .

Monday, March 13, 2017

False promises , sweet lies, money and muscle power work well in elections


On ignominious treatment of Irom Chanu Sharmila  in the hustings 

It pained me to see that  Ms Irom Sharmila who was on 17-year fast demanding repeal of AFSPA contested election in Manipur and got only 90 votes.Voters are not recognizing those who sacrifice their life for the cause of people. She lost her youth in her 17 year fast.Voters get enchanted towards those who give false promises and sweet lies. Money and muscle power work well in election. Pelf and fiefdom rule the roost.She inspired me a lot. But she lost in the mired abyss of politics.




Irom Chanu Sharmila - An inglorious defeat for Indian Voters .

நெஞ்சு பொறுக்குதிலையே -இந்த நிலைகெட்ட மனிதரை நினைந்துவிட்டால் -7

கண்ணிலாக் குழந்தைகள் போல் -பிறர் 

      காட்டிய வழியிற் சென்று மாட்டிக் கொள்வார்

.....மகாகவி பாரதியார்

நெஞ்சு பொறுக்குதிலையே -இந்த நிலைகெட்ட மனிதரை நினைந்துவிட்டால் -6

கஞ்சி குடிப்பதற் கிலார் -அதன் 

      காரணங்கள் இவையென்னும் அறிவுமிலார். 


.....மகாகவி பாரதியார்

நெஞ்சு பொறுக்குதிலையே -இந்த நிலைகெட்ட மனிதரை நினைந்துவிட்டால்- 5

தோத்திரங்கள் சொல்லி அவர்தாம் -தமைச் 

      சூதுசெய்யும் நீசர்களைப் பணிந்திடுவார்;

.....மகாகவி பாரதியார்

நெஞ்சு பொறுக்குதிலையே -இந்த நிலைகெட்ட மனிதரை நினைந்துவிட்டால் - 4

கொஞ்சமோ பிரிவினைகள்? -ஒரு 

      கோடி என்றால் அது பெரிதாமோ? 

.....மகாகவி பாரதியார்


நெஞ்சு பொறுக்குதிலையே -இந்த நிலைகெட்ட மனிதரை நினைந்துவிட்டால் - 3



எப்போதும் கைகட்டுவார் -இவர் 

      யாரிடத்தும் பூனைகள் போல் ஏங்கி நடப்பார்.... 
.....மகாகவி பாரதியார்


நெஞ்சு பொறுக்குதிலையே -இந்த நிலைகெட்ட மனிதரை நினைந்துவிட்டால் -2



மந்திரவாதி என்பார் -சொன்ன 

      மாத்திரத்திலே மனக்கிலி பிடிப்பார்

-----  மகாகவி பாரதியார் 




நெஞ்சு பொறுக்குதிலையே -இந்த நிலைகெட்ட மனிதரை நினைந்துவிட்டால் - 1


அஞ்சி அஞ்சிச் சாவார் -இவர் 

      அஞ்சாத பொருளில்லை அவனியிலே
-----  மகாகவி பாரதியார் 



நெஞ்சு பொறுக்குதில்லையே நிலை கெட்ட வாக்காளர்களை நினைத்தால்

 நெஞ்சு பொறுக்குதில்லையே நிலை கெட்ட வாக்காளர்களை நினைத்தால் 

ஐரோம் சானு ஷர்மிளா  மணிப்பூர் மக்களின் மனித உரிமைகளுக்காக 17  ஆண்டு காலம் உண்ணாவிரதம் இருந்தார் . மணிப்பூர் மக்களை கொடுமைக்கு உள்ளாக்கும் சட்டம் அகற்றப் படவேண்டும் என்பதற்காக  17 ஆண்டு உண்ணாவிரத மிருந்து  தன இளமைக்காலம் முழுவதையும் தொலைத்தார் . 

அவர் தேர்தலில் நின்றபோது எந்த மக்களுக்காக போராடினாரோ  அவர்கள் போட்ட ஒட்டு மொத்தம்  90  தான் .தியாகத்திற்கு மதிப்பிலாமல் போய்விட்டது . பலம் , பணம்  காசு அடியாள்   ஜாதி மதம்  போன்றவை தான்   தேர்தலில் ஜெயிக்கும் தகுதி  என்றால் யாரை நோவது எனப்  புரியவில்லை .

 மகாகவிபாரதி தான் வாழ்ந்த காலத்தில் நிகழ்ந்த நிகழ்வுகளை கண்டு மனம் வெம்பி பாடிய பாடல் "நெஞ்சு பொறுக்குதில்லையே நிலை கெட்ட மனிதர்களை நினைத்தால்" . அப்பாடலை  படித்த  உடன் எனக்கு தெளிவு பிறந்து விட்டது    அப்பாடல்கள் வரிகளை படங்களாய் தந்துள்ளேன் . 

Saturday, March 11, 2017

மகாகவி பாரதியின் காளிப் பாட்டு


யாதுமாகி நின்றாய்  காளி எங்கும் நீ நிறைந்தாய் 
--- மகாகவி பாரதி 


மகாகவி பாரதி -- வேடிக்கை மனிதரைப் போலே-நான் வீழ்வேனென்று நினைத்தாயோ



வேடிக்கை மனிதரைப் போலே-நான்
வீழ்வேனென்று நினைத்தாயோ
--- மகாகவி பாரதியார்